Kaszëbsczi Linux ë Ôpen Ùdbë : linuxcsb.org

Wëdónô òsta nowô, òficjalnô wersëjô czérowników nVIDIA dlô Linuksa, Solarisa a FreeBSD. Dlô ti pierszi systemë przëstãpné są wersëje na platfòrmã x86 ë x86-64.

Czérowniczi ne dôwają wspiarcé prakticzno dlô wszëtczich mòdelów grafikòwich kartów, nawetka dlô tëch nônowszich. Nen wëdôwk ùprawiô fele w dzejanim wentilatora GPU na maksymalny chùtkòsce, rëmô problemë, chtërne ùdostôwałë ùpadniãca serwerë X, pòprawiô wespółrobòtã z laptopama, a téż zlepszô sprôwianié wëskrzëniwanim na ùrzãdzeniach HP Compaq.

Czérowniczi mòże zladowac z:

NVIDIA-Linux-x86-169.09 (16.7 MB, IA32),
NVIDIA-Linux-x86_64-169.09 (15.0 MB, AMD64/EM64T),
NVIDIA-FreeBSD-x86-169.07 (13.4 MB, FreeBSD x86),
NVIDIA-Solaris-x86-169.09 (16.1 MB, Solaris x64/x86).

Chto wié jakô je różnica midze fòntã a czczonką? Mést ti co mùszą rozmiec tipograficzny sprawë

Krótkò pisząc to fònt to je to co mómë w kòmpùtrach a czczonka to metalowi prostopadłoscan, chtëren je brëkòwóny w pòligrafji. W codniowim pòlsczim jãzëkù barô czãsto zamieniwno a zmiłkòwò brëkùjë so nëch słów. Żôl, żebë do pisónégò (a co za tim jidze lëteracczégò) jãzëka kaszëbsczégò szedł nen lëchi zwëk. Tima co bë chcelë wiédzec wicy ò fòntach a czczonkach, a téż òglowò ò pismie sygnie le przeczëtac articzel Roberta Chwałowsczégò Czy fontami można strzelać z procy?, chtëren mòże nalezc na starnach typografia.info. W serwisu tim mòże nalezc téż wiele artiklów, co bãdą nama nót przë skłôdanim tekstu.

Wszëtczich co pùblikùją pò kaszëbskù rôczã do czëtaniô.

Lubi mie czasã òbzéranié filmów na kòmpùtrze. Òsoblëwie slédno zdrzã na stôri filmë jaczi jidze nalezc na stage6.divx.com. Równak, żebë miec przëstãp do dostónków ti serwerë, nót je w (K)Ubuntu (mést dlô jinëch distribùcëjów bãdze juwerno) zainstalowac paczét mozilla-mplayer. Jeżlë to nie sygnie ë wcyg na starnie bãdze wëdowiedzô, że filmë òdgrëwac pòd Linuksã mòże w Mplayer, to w Konsolë dodôwómë wpisenczi:

cd /usr/lib/firefox/plugins/
sudo ln -s /usr/lib/mozilla/plugins/mplayerplug-in-dvx.so
sudo ln -s /usr/lib/mozilla/plugins/mplayerplug-in-dvx.xpt

Terô jesz zrëszamë Firefoksa znowa ë ju mòżemë wzérac na fejn filmë!

Mój bédënk:

• http://stage6.divx.com/The-Last-Stop/videos/

• http://stage6.divx.com/Film-Vault/videos/

Stwôra Wikimedia Polska przë wespółrobòce z wëdowizną Helion mô przerëchtowóné wëdanié pòlsczi Wikipediji na DVD platce. Nalazłëch je na ni 239 tës. artiklów w wersëji z dnia 4 czerwińca 2006 ë 59 tës. òbrôzków.

Dzãka temù, że òprogramòwanie je napisóné w jãzëkù Java, mòże zrëszëc aplikacëjã w kòżdi òperacëjowi systemie na jaczi przëstãpnô je wirtualnô maszina Java. Platka kòsztô 39 złotëch.

Òbaczë téż:

• Polska Wikipedia na DVD (z Helionem)

Nôslédné òtemkłé pòtaknié TLUG-a (Trzëgardowégò Karna Brëkòwników Linuksa) dô w sobòtã 14. lëpińca (witro) midzë 11.00 a 14.00, w bùdinkù Bibloteczi Gduńsczégò Ùniwersyteta przë Wita Stwosza 53 (Gduńsk Przëmòrze)  Piotr Redman bãdze wëkłôdôł ò GIMPie w sparłączeniém z ùczbą ti programë. Na placu dô 20 kòmpùtrów do brëkùnkù, a chto mô, nen mòże przińc téż ze swòjim notebookã.

Mòże ju w USA kùpic kòmpùtrë firmë Dell z zainstalowóną òperacjową systemą Linux Ubuntu 7.04. Dell dôł ò tim ju rëchli wiédzã, pò tim jakno pò przeprowadzony wprzód anczéce òbôczëł, że zapëtanié na rënkù na taczé kòmpùtrë je. Na zôczątkù w òferce nachôdôją sã desktopòwé sytemë Dimension E520n, XPS 410n ë laptop Inspiron E1505n. Na tich systemach nachôdô sã sztandardowô instalacëjô Linuxa Ubuntu, jakô je téż wspiartô nié ôpen-zdrojowima czérownikama dlô hard-wôrë, n.p. dlô WLAN kôrtów Intela.

Në to mómë ju pierszą wiôlgą kòmpùtrową firmã, w jaczi mòże ju zainstalowónegò Linuksa kùpic ë króm tegò jesz Linuksa z kaszëbską klawiaturą!!!

Zdrzucënk starnë z linuksową òfertą firmë Dell

Wiele lëdzy brëkùje dzysô kanalów RSS - e-gazétë, blodżi, serwisë ë jesz wiele jinëch placów w sécë ùmòżebniô nama przistãp do biéżny wëdowiédzë. Dzãka RSS-owi mómë wiedno, zarôzkù jinfòrmacëjã ò wszelejaczich zmianach na starnie - ò tim jaczé artikle doszłi, ò dopòwiescach, ò òdjimkach ëtd.

Problemã ju nie je to, że felëje nama przistãpù do ti wiédzë, kò je òna darmôk ë je ji wiele, le problemã je to, że je tegò za wiele ë nie mòżemë tak letkò tegò kòntrolowac. Jô na przëmiôr czëtóm cos kòle 30 starnów ë nie mògã/lëdóm wiedno sprôwdzac dze są nowé artikle. Mòże zainstalowac sobie czëtôrza kanalów RSS, le jegò felą nôczãsci je to, że je òn przistãpny blós z kòmpùtra na jaczim òstôł zainstalowóny. Téj dlô kòżdégò pòstãpnégò kòmpùtra mùszimë znowa instalowac ë ùstawiac wszëtczé kanale jaczé lëdómë czë mùszimë czëtac.

(wicy…)

Jonathan Schwartz, szef firmë Sun, w swòjim blogù pisze ò tim, że je ti dbë, że Microsoftowi bë lëpi zrobiło, czéjbë òtemknął sã nen na ôpen-zdrojową soft-wôrã ë że nawetka takô stolemnô firma, jakno na z Redmon, mòże z tegò profitë dlô se wëcygnąc, co je gwës lepszim rozwiązaniém jakno wcyg sugerowanié narëszaniô patentów (m.k.: szło w slédnym tidzeniu znôwù cos ò tim czëc ë dali felëją kònkretë).

Schwartz przërównôwô sytuacëjã Microsoftu z ną w jaczi bëł Sun kòl kùńca 90-tëch lat. W tim czasu Sun miôł kòntrolã nôd całowną swòją soft-wôrą, pòprôwczi bëłë wprowôdzané blós przez prosté ë ògrańczoné sugestëje za starnë brëkwòników. Tedë pòkôzł sã téż Linux jakno zagrożenié dlô Solarisa. Z wielu ôpen-zdrojowich kòmpònentów, zestôwiła môłô firma Red Hat distribùcëjã, jakô nacza wëgrëwac na pòpùlarnocë westrzód serwerów.

(wicy…)

Free Software Foundation (Fùndacëjô Wòlny Soft-wôrë) naczãła kampanijã Play OGG (Grôj OGG) jakô mô zachãcac do brëkùnkù zwãkòwegò fòrmatu OGG.

Jeden czë drëdżi sã spëtô dlôcze znôwù nen nowi cyrkùs z jinszima fòrmatama jeżlë to dô doch MP3 ë mòże tegò fejn brëkòwac. Problema sédzi, jak wiendo, w detalach ë tuwò OGG Vorbis je wòlnym òd patentowich ë licencëjowich wëmògów fòrmatã, czegò nié mòże rzec ò MP3. Nen drëdżi je swòjistëm patentowim minowim pòlã. Wedle FSF mùszi kòżdi, chto rozprowôdzô mùzykã w fòrmace MP3, płacëc licencjową òpłatã. To samò tikô sã téż rozwijôrzów soft-wôrë, jakô òmijô nen fòrmat. To wszëtkò nie tikô sã fòrmatu OGG, jaczi stôwô sã bezpieczną alternatiwą.

(wicy…)

Sun wësztartowôł nową ùdbã ò mionie Indiana, jakô mô doprowadzëc do kòmpatibilnotë Linuksa ë Solarisa. Jesz felëją akùratné pòdôwczi, klôr je le blós, że mô sã tim zajimac Ian Murdock, zakłôdôrz Debiana jaczi w strëmiannikù przeszed do Sun.

Mòże sã przedstôwic dobrze sparłącznié tich dwóch systemów, Solaris mô swòjé mòcne, a téż słabë starnë - jakno chòc drësznotã w brëkùnkù czë téż wspiarcé dlô hard-wôrë ë włączënié tich z wòlny soft-wôrë bë bëło gwës ze zwëskã dlô Solarisa.
Problemë są narô w różnëch licencëjach Linuksa ë Solarisa, në chòba, że Sun ùprzistãpni swòją òperacjową systemã jakno GNU General Public License, co bë bëło pò prôwdze czims òsoblëwim.

Wôrt mòże na tim placu jesz dodac, że òd 2005 rokù dzéjô przë Sun ùdba NexentaOS, jakô parłaczy jądro OpenSolarisa z Ubuntu.