Kaszëbsczi Linux ë Ôpen Ùdbë : linuxcsb.org

Kaszëbsczi jãzëk w Debianie z KDE

Mark — Sat, 10 May 2008 17:21:03 +0000

Mómë dlô waji dodóny artikel ò tim jak nastôwic kaszëbsczi jãzëk w Debianie Lenny z òkrãżã KDE.

Je to nôslédny przëmiôr na to, że naju robòta przë KDE je widzałô w corôz wicy distribùcëjów, a nié le blós w Kubuntu - co mòże pòmëszlëc czëtając wpisënczi na najich starnach .

Dzél pòmòcë do Linuksa bãdzemë pòmalińkù dofùlowiwac przidatnëma artiklama ë to nié le blós ò kaszëbsczich wersëjach. Jeżlë môta pëtania, czë téż pòmëslënczi na przëdatné artikle, to proszëmë te sélac do naju ze starnë łaczbë.

Czëtôjta: Kaszëbsczi jãzëk w Debian Lenny

Pòprôwka KDE menu w Kubuntu

Mark — Fri, 09 May 2008 20:38:35 +0000

Wkrôdła sã nama w kaszëbsczim dolmaczënkù Kubuntu widzałô zarô pò òtemkniãcô menu fela - ti co mają winstalowóną kaszëbską wersëjã na gwës ju dozdrzelë, że mómë czile tërerów na zôczątkù słowa “zjadłé” - jaką mòże równak kòżdi baro letkò sóm pòprawic.

Biéjta w menu do réżczi “mòwi nastôw”, a tam klëknijta prawą knapą mëszë na ten element
Wëbierzta z menu - jaczé wama terô wëskòknie - “Editëjë element”

Terô jesta w editorze menu KDE, dze w prawim górnym nórcekù je widzec nã felã
Pòprôwta wpisënk na “Systemòwi nastôw”
Klëknijta w lewim górnim nórcekù na ikònkã z disczétką bë zapisac zjinaczi
Wëskòknie wama òkno aktualizëjącé kònfigùracëjã systemë
Zamknijta òkno editorë menu KDE
Terô ju môta pòprôwkã wprowôdzoną

Ubuntu 8.04 LTS

Mark — Mon, 28 Apr 2008 19:13:20 +0000

W Ubuntu 8.04 LTS “Hardy Heron” (wëszłé 24. łżëwkiôta) je kładłi, jakno ju rëchli w Ubuntu 6.06 LTS, wiôldżi cësk na sztabilnotã całi systemë. Stoi za tim baro dołdżé wspiarcë aktualizacëjama (3 lata dlô desktopów) tegò wëdôwka. Nié mòże gwës tuwò gôdac ò wiôldżim skòkù w bënowich zjinakach w przërówaniém do wersëji 7.10 - 6 ksãżëców to nie je znôwù tak wiele czasu bë wëszła z tegò zarô rwòlucëjô - nimò tegò mòżemë pisac ò czékawich nowich rozwiązaniach, taczim je na gwës instalownik z jaczim mòżemë terô winstalowac Ubuntu prosto z Windowsa bez mùszebnotë sztartowaniô kòmpùtra z CD czë téż mùszebnotë particjonizowaniô cwiardi platë. Nowò doszłô je téż czékawô programa wëpôlaniô platków ò mionie Brasero. Ubuntu 8.04 je téż pierszą distribùcëją jakô niese ze soba sztandardowò przezérnik Firefox w wersëji 3.

Zladënk:
Ubuntu 8.04 mòże zladowac dlô 32 ë 64 bitowich x86 systemów ze starnë:

http://www.ubuntu.com/getubuntu/download

Nimò tegò, że nie je òficjano pisóné ò wpsiarcô dlô taczich platfòrmów jakno n.p. PPC (tikô są to m.jin. stôrszëch Mackintoshów z procesorã òd Motorolë) czë SPARC, to mòże na serwerze Ubuntu nalezc nowé wersëje dlô tich platfòrmów:

Ubuntu

http://cdimage.ubuntu.com/ports/releases/hardy/release/

Kubuntu

http://cdimage.ubuntu.com/kubuntu/ports/releases/8.04/release/

Xubuntu

http://cdimage.ubuntu.com/xubuntu/ports/daily/current/

Ubuntu 8.04 Release Candidate

Mark — Fri, 18 Apr 2008 20:17:50 +0000

Dzén pòzdze, jakno bëło planowóné, wëszłô je wersëjô Ubuntu 8.04 RC (Hardy Heron), jaka mòże zladowac ze starnë: releases.ubuntu.com.
Hardy Heron (jakno ma ju dzysô pisôlë) je pò Ubuntu 6.06 drëgą wersëją z Long Term Support (gwarantowónëch je 5 lat dlô serwerowi ë 3 dlô desktopòwi wersëji).
Òbrôzë platów stoją fardich do zladënkù dlô wszëtczich wspierónëch przez Ubuntu systemów, dô téż alterantiwné instalacjowé wersëje.

Kùncowô wersëjô mô sã ùkôzac 24 łżëwkiôta - jakno ju rëchli bëło pisóné. Në to chto chce sã pòbawic, ten niech zladëje wersrjã RC, a całô reszta niech jesz pòżdô 6 dniów - to chùtkò nama zlecy.

Starna zladënka: http://releases.ubuntu.com/8.04/

Ps. Jesma chùtczi z tim wiadła jakno pòlskòjãzëkòwé serwisë - dlôte gwës téż wôrt tej-sej do naji zazérac

ShipIt!

Michôł — Fri, 18 Apr 2008 15:30:22 +0000

Mòże ju zamówic nowé wersëje pòpùlarnëch distribùcëjów Linuksa z rodzëznë Ubuntu. Platczi z Ubuntu, Ubuntu Server a téż Kubuntu z wersëją 8.04 LTS (òd Long Time Support - długòcządowé wspiarcé) zwóną téż Hardy Heron bãdą wësëłóné czilenôsce dniów pò premierze, chtërna je zabédowónô na 24 łżëkwiata.

Wiedno mòże téż zladowac a samemù wëpalic platkã z nowim systemã - na gwës mdze to wiele chùdzy jak żdónié na paczét. Dobrim wińdzenim je zôs aktualizacëjô do nowi wersëji brëkùjąc systemë aktualizacëji bënë swòji distribùcëji Ubuntu. Zainteresowónëch jak to zrobic òdsélómë do artiklów w najim serwisu a na gwës téż nie òstawimë bez òdpòwiescë problemów na jaczé mòże trafic brëkòwnik Linuksa.

Darmôk platczi mòże zamówic pòd adresama: shipit.ubuntu.com i shipit.kubuntu.org. Xubuntu a Gobuntu nie są przëstãpné w ramach akcëji ShipIt.

Żdanié a zjinaczi na starnach

Mark — Wed, 16 Apr 2008 19:28:27 +0000

Żdając na nową wersëjã familëji Ubuntu, dze to dô ju kaszëbsczi w trzech òptacëjach (GNOME, KDE 3.5.x ë KDE 4.x), mómë dlô waji kąsk zjinaczoné starnë linuxcsb.org ë to ni le blós jich wëzdrztak.
Jak narô to ma dodôwôlë artikle do dzélów z wiadłama, òd terô je to rozparłãczoné (zebrało sã jich czile, to mô to téż ju jaczis szëk) ë nachôdôja sã òne na placu dlô nich. Jak narô je ùsôdzony dzél z pòmòcama do kaszëbsczégò Linuksa ë Linuksa sómegò w se.
Ùsôdzómë téż dlô waji nowé pòmòce, jaczé ju za sztërk òstaną òpùblikòwóné, m.jin. instlacëjã Debiana z kaszëbską wersëja KDE .

Inkscape 0.46 rozmieje PDF

Mark — Sat, 29 Mar 2008 19:23:18 +0000

Dwa ksãżëce òd pùblikacëji slédy wersëji graficzny wektorowi ôpenzdrojowi softwôrë Inkscape 0.45, ji rozwijôrze ùprzëstãpnilë nama ji wersëjã 0.46, w jaczi to ju mòże editowac lopczi PDF.

Inkscape mô (pòdle rozwijôrzów) dôwac zblëżoné mòżlëwòtë robòtë nad grafikama, jakno te znóné z taczich programów jakno Illustrator, FreeHand, CorelDraw ë Xara X.

Sztandardowò ùżëwô Inscape ùnormòwóny przez W3C fòrmat SVG, rozmieje równak téż zapisëwac graficzi w PNG jakno ë wszelejaczich wektorowich fòrmatach, a dzãka wspiarcô dlô PDF mòże téż zapisëwac graficzi w tim fòrmace prosto z Inscape, jakno ë te impòrtowac ë ekspòrtowac z/do PDF.

Przëmiôrë mòżlëwòtów ti softwôrë nalezéta na starnie: http://inkscape.org/screenshots/

Darmôk Inkscape mòże zladowac z domôcëch starnów ùdbë na platfòrmë:

Linux
Mac OS X
Windows

Dlô familëji Ubuntu

Bôczënk: Instalacëjô w sztabilnëch wëdôwkach je prosto z Adepta czë téż Synaptica - tuwó równak le 0.45 (!). Chcąc dostac wersëjã 0.46 dodôjta w Ubuntu Gutsy w repòzytorëjach zdroje:
deb http://ppa.launchpad.net/inkscape.testers/ubuntu gutsy main
deb-src http://ppa.launchpad.net/inkscape.testers/ubuntu gutsy main

Big Buck Bunny

Michôł — Fri, 28 Mar 2008 18:15:10 +0000

Mòżemë òbaczëc ju pierszi trailer ôpenzdrojowégò filma ò jaczim mómë ju chùdzy pisóné. Jak narô je to le jednô minuta, ale sóma prezentacëjô pòtka sã z żëcznym przëjãcym.

Big Buck Bunny - Official Trailer from Andy Goralczyk on Vimeo.

Ubuntu 8.04 Beta - ju kąsk kaszëbsczi

Mark — Sat, 22 Mar 2008 19:12:20 +0000

Òd zawczora mómë ju mòżnotã zapòznaniô sã z nowima wersëjama familëji Ubuntu : 8.04 - Hardy Heron. Wszëtkò wëzdrzi téż za tim, że je to nie le blós pierszô, le téż slédnô wersëjô Beta tegò wëdôwka. W przërównaniém do “Alfë” to nie dô bënë za wiele zjinaków, za to mómë na starnach dostóny fejn zestôwk zmianów w przërównaiém z wer. 7.10 - czëtôjta wicy tuwò: http://www.ubuntu.com/testing/hardy/beta .

Ubuntu 8.04 stanie sã we łżëkwiôce nôslédną realizacëją (pò 6.06) z dołgòdistansowim wspiarcém (LTS) dlô desktopów na trzë lata, a dlô serwerów na piãc. Cëż jesz, a to, że n.p. Edubuntu stôwô sã przëdôwkã do Ubuntu, a nie samòstójną realizacëją, co trzëmóm za dobré rozwiązanié, bò bëłë te wëdôwczi prawie równé, za to nowé przëszłé są UbuntuStudio z zëstôwkã softwôrë dlô mùzyków , grafików ë robiãcëch przë filmach (téż òpiarté na GNOME), a téż Mythbuntu (z òkrãżã Xfce ë MythTV).

Kubuntu dô w dwóch wariantach, z KDE 3.5.9 ë KDE 4.1, a bez to téż gwës nié ze wspiarcã na trzë lata, le na 18 ksãżëców - do brëkùnkù jakno skaszëbiony wersëji zamòdlëwóm wersëjã z KDE 4 - kąsk mni felów z naszi starnë przë dolmaczënkù .

Do zladënkù dô jesz jinsze wersëje, jakno n.p Xubuntu z Xfce òkrãżã - dobré rozwiązanié dlô kąsk stôrszëch kòmpùtrów, czë Gobuntu z GNOME - systema dlô pùristów co nie chcą miec niwólnëch kòmpònentów.

Në ë na sóm kùńc cos dlô szmaczi - wersëje z GNOME dô ju téż pò kaszëbskù . Nie je tegò bënë za wiele zdolmaczoné, le je to nôslédny krok do przódkù z kaszëbizną w kòmpùtrach.

Lësta serwerów zladënkù:

Szëkôjta za pasowną dlô waju wersëją na: http://cdimage.ubuntu.com/
(alternatiwno biéjta prosto za lënkã z domôcy starnë Ubuntu)

Nero Linux 3.5

Mark — Wed, 05 Mar 2008 19:23:28 +0000

Znôną ë pòpùlarną (jeżlë nawetka ni nôbarzi pòpùlarnô) softwôra do wëpalniô platków Nero òsta przedstôwionô na tôrgach CeBIT w swòji nowi wersëji 3.5 dlô Linuksa.

Nero Linux 3.5 òpiartô je na wëpôlający technolgijë z Nero 8. Graficzny wëzdrzatk wspierô terô rozdzélnotã òbrôzu 800×480 pikslów, przez co mòże gò terô téż brëkòwc na subnotebookach z môłima ekranama.

Nero Linux 3.5 je jak narô jedińczą softwôrą na platfòrmã Linux dôwającô mòżnotã wëpôlaniô platków ôrtu Blue-Ray ë HD-DVD.
Softwôra do kùpieniô bãdze w krómach òd pòłowë strumannika, priz kòl 20 euro/80 złotëch.

Czëtôjta wicy pò pòlskù na domôcëch starnach