Aùtołowé miónczi
Òpùblikòwóné w: Grë, Òglowé nowinë — Michôł @ 4:03 pp 6 grom. 2007
Choba kòżdi chòc co sztërk mô chãc brëkòwac kòmpùtr do grów. Kò tak dërch nie mòże blós robic pòwôżny rzeczë… Króm sztandardowich grów jaczé nalezc jidze w KDE, mòżemë skùsëc sã na zainstalowanié nëch trzëmiarowëch. Mést eżlë nie mdzemë miele zainstalowónych nônowszich czérowników do naji grafikòwi kôrtë, téj nie darzë so nama gra z niżódny nowi produkcëje, leno nie je jaż tak lëchò, bò nawetka z domëszlnëma, wòlnëma czérownikama jidze sã dobrze zabawic.
Na dzysô przerëchtowóny móm krótczi òpisënk aùtołowé miónczi TORCS. Instalacëjô jak wiedno prostô:
sudo apt-get install torcs
a pózdni w ti kònsoli piszemë
torcs
ë ju mòżemë nacząc zabawa. Nôwicy problemów na zaczątkù mdzemë mielë z ùtrzëmanim bolida na torze, leno jidze dobrac sobie taczé aùto, jaczé mdze dlô naji nôlepszé - do wëbiérkù je czile aùtołów w sómi grze a wicy do zladënkù ze starnë. Nie wszëtczé aùtołë są bëlno zrobioné, le jaż tak lëchò to téż nié. Juwerno je z torama, je jich wiele, leno nie wszëtczé są wedle mie parôt do miónków. Leno co nôwôżniészi, jidze sobie dobrze pògrac!
You can follow any responses to this entry through the RSS 2.0 feed. You can leave a response, or trackback from your own site.
Ta ë cziles jinszëch grów razã z Edubuntu to bëł paczét Linuksa jaczi stôł sã atrakcjowi dlô mòjëch dzéców.
Czekawé je téż to, że òne sã zwëczajno sadłë przëd GNOME ë naczãłë tegò ùżëwac.
Dopòwiesc przez Mark — 6 grom. 2007 @ 9:54 pp