Grôj Ogg
Òpùblikòwóné w: Òglowé nowinë — Tadżi: OGG — Mark @ 10:03 dp 20 mô. 2007
Free Software Foundation (Fùndacëjô Wòlny Soft-wôrë) naczãła kampanijã Play OGG (Grôj OGG) jakô mô zachãcac do brëkùnkù zwãkòwegò fòrmatu OGG.
Jeden czë drëdżi sã spëtô dlôcze znôwù nen nowi cyrkùs z jinszima fòrmatama jeżlë to dô doch MP3 ë mòże tegò fejn brëkòwac. Problema sédzi, jak wiendo, w detalach ë tuwò OGG Vorbis je wòlnym òd patentowich ë licencëjowich wëmògów fòrmatã, czegò nié mòże rzec ò MP3. Nen drëdżi je swòjistëm patentowim minowim pòlã. Wedle FSF mùszi kòżdi, chto rozprowôdzô mùzykã w fòrmace MP3, płacëc licencjową òpłatã. To samò tikô sã téż rozwijôrzów soft-wôrë, jakô òmijô nen fòrmat. To wszëtkò nie tikô sã fòrmatu OGG, jaczi stôwô sã bezpieczną alternatiwą.
Przëmiôrã niebezpiekù jaczi za tim stoi, je tuwò (jesz prawno nié zacwiédzony), òbsąd w jaczim to Microsoft mô zpłacëc 1,5 miliardów amerikańsczich dolarów licencjowi òpłatë ë to prawie za brëkùnk MP3, nimò tegò, że na firma bëła gwës tegò, że wëfùlowa ë wëkùpia wszëtczi licencjowé wëmòdżi. Nawetka czësté aplikacëje, jaczé grają lopczi MP3 w tak slédno pòpùlarnëch grôczach, mògą òstac òskarżóné - czegò przëmiôr dało slédno w Teksase.
Tak je OGG Vorbis, pòdle FSF, dlô rozwijôrzów soft-wôrë ë téż brëkòwników, jedinczą bezpieczną metodą zabezpiekù swòji robòtë. Wiele ùrządzeniów wspiérô ju OGG, a FSF chce sã dali wstôwiac za rozkòscerzaniém tegò fòrmatu.
Czëtôjta wicy na:
You can follow any responses to this entry through the RSS 2.0 feed. You can leave a response, or trackback from your own site.
