Dopòwiescë do: 'ShipIt!'

Przez: Mark

Mark — Fri, 18 Apr 2008 19:26:19 +0000

Generlno to je kastka, jakô mie sã ju rëchli baro widza.
Jô jima złożëł dwa prawie równé (jeden je strzébny - dlô dzewùsa-, a drëdżi czôrny - dlô knôpa).
Do tegò móm stôré cwiardé plate zatrzëmóne ë w dzélu téż grôcze/nagrëwôrze DVD. Doszłé je pamiãc (2x 1GB) ë Athlon 64 X2 Dual-Core 4,2 GHz, a graficzną kôrtã móm téż jima dokùpioną (z nvidia) ë bez to ni brëkùjã chipu na bòrdze.
Instalacëjô Linuksa pòszła gładkò - mòże brëkòwac 32 ë 64 bitowich wersëjów. Właczenié efektów 3D téż szło bezproblemòwò.
Chôdô to wszëtkò flot ë wëzdzi téż fejn. Shuttle je znóna firmą ë téż z dobrim kwalitetã - jô sã bez lata naùczëł, że chitri dwa razë tracy ë terô wòlã wëdac kąsk wicy bë sã pòzdze nie sromic.
Dobrą alternatiwą są téż barebonë z Asusa - ni wëzdrzi to tak fôrsz, le je za to tóńsczé.
Na te kòmpùtre to jô czile sobòtów mùszôł robic, le terô móm z dzecama ë jich kòmpùtrama pòkój na czile lat.
Ò instalacëjach to mòże wiedno napisac jaczi articzél - chòc tuwò to mëslisz, że wôrt sã rozpisëwac nad jedną firmą?
(Robiã nad artiklã ò instalacëji Debiana lenny - fej to wëzdrzi z kaszëbsczim KDE )

Przez: Michôł

Michôł — Fri, 18 Apr 2008 18:57:22 +0000

Czekawi je nen shuttle. Jô terô mëszlã nad kòpienim nowégò kòmpùtra a tu widzã, że drodżi to òn nie je. Mòżesz co wicy ò nim napisac? Jak dzejô na nim Linukse? Jinstalëje sã bez problémów? A 3D grafika - òn brëkùje ATI, tej na Linukse mòże bëc lëchò z akceleracëją 3D?
Mést fejn bë béł ò tim jaczi articzel, co të na to?
—-
Edit: brëkùje nvidiã, téj nie je tak lëchò

Przez: Mark

Mark — Fri, 18 Apr 2008 18:42:36 +0000

Në jo, môsz prôwdã z tima gadżetama - króm tegò to sã tak chùtkò zmieniwô, że to nie je za czãsto brëkòwóné.
Jô, terô le jednã, a szkòda, bò dzãka temù, że szło rëchli zamówic dwie, to jô móg (pò tim jakno dzecom móm w tim ksãżëcu dwa kòmpùtre złożoné : shuttle) téż winstalowac bez mùszebnotë zladënkù 64-bitową wersëjã Ubuntu, jaka jô zamówił króm 32.
Në le ë tak je doch dobrze

Przez: Michôł

Michôł — Fri, 18 Apr 2008 18:29:37 +0000

A terô le jedną platką mòże zamówic. Ale to ë tak fejn, chòc përzënkã to taczé “gadżecarstwò” Żebë nie bëło - jô ju móm zamówioné!

Przez: Mark

Mark — Fri, 18 Apr 2008 16:36:56 +0000

Jô miôł ju slédnym razã (króm zladënkù) platczi (32 ë 64 bit) zamówioné - fejn sprawa ë téż dosc chùtkò je to przëszłé.
Fejn je doch miec òrydżinalkã .