Kaszëbsczi Linux ë Ôpen Ùdbë : linuxcsb.org

Mòże ju zladowac òd dzysô pierszą testową (Tribe 1) wersëjã wëdôwkù Ubuntu 7.10 - Gutsy Gibbon, jaczi bãdzë ùżëczony w kùńcowi wersëji w rujanie tegò rokù. Tribe 1 dôwô nama wëzdrzenié do tegò na co mòżemë lëczëc na jeseń (w Ubuntu mómë terô m.jin.: GNOME 2.19.2, Kernel 2.6.22-rc3, nową wersëjã X.org ë wiele wicy), nie bãdã sã równak terô ò tim pisôł, bò nie to wëdało mie sã na starnach kaszëbsczégò Linuksa nôwôżniszé.

Móm prawie Kubuntu 7.10 - Tribe 1 zainstalowóné ë widzã, że mòże terô bez problemów ùstôwic kaszëbską jãzëkòwą wersëjã dlô KDE !!!! – jaczé je ju w ti distribùcëji w nowim wëdôwkù 3.5.7 - jë to pò prôwdze terô dzecno prosté dzãka wëbierkòwi z lëstë.

Brëkòwac tich testowich wersëjów sã nié zamôdlëwô, chòc mùszã rzec, że mie to w niczëm nie przeszkôdzô, jeżlë widzã że móm pierszą òficjlaną òperacjową systemã pò prôwdze pò kaszëbskù (chòc jesz z felama) ë z kaszëbską klawiaturą. Terô przińdze mie jesz wama krótkò napisac ò tim jak mòże to òkrãżé ùstôwic, bë “gôdało” do naji w rodny mòwie. Ò tim to ju za sztërk (co ju rëchli jô ju wama przëòbiecôł).

• Zladënk Kubuntu Gutsy Gibbon Tribe 1

KDE w swòji nowi wersëji 3.5.7 je ju òd 22 maja na ftp-serwerach (ftp://ftp.kde.org/pub/kde/stable/3.5.7). Pierszą bëła wersëjô na Linuksa Mandriva, a pò ni przëszłë jinszé. Rozwijôrze tegò òkrãżô pòprôwilë fele m.jin. w Kadressbook, Korganizer a KMail dostôł czile nowich fùnkcëji dlô kòntów IMAP, pòprôwczi tikają sã téż n.p. PDF-przezérnika KPDF.

Le co dlô naju nôwôżniszé, to fakt tegò, że mómë ju bënë kaszëbską wersëjã, z czegò jakno karno dolmôczów jesma baro bùszni.

Në tej aktualizëjta swòjé wersëje KDE, jeżlë ju są òne ùżëczëwóné w nowi wersëji, wzérôjta za lopkama csb (czasã trza bãdze je gwës rãczno dodac) ë piszta nama swòjé bóczënczi co do fëlów/pòprôków w dolmaczënkù!!!

Terô nie le blós Kaszëbi czë Pòlôchë bãdą mògle dowiedzëc sã ò kaszëbsczim linukse, bò ùprzistãpnionô òsta do zladënkù anielskòjãzëkòwô wersëja 8 numeru Dragonia Magazine, w jaczim znôwa nalezc mòże wiadło ò najim dolmaczënkù.

Króm tegò artikla, są wszëtczé jaczé pòjôwiłë sã w pòlsczi wersëji. Le jednô sprawa jô bë zmienił - w przëtrôfkù niechtërnëch artiklów òbrôzczi bë mògłë bëc w anielskòjãzëkòwi wersëji a nie pò pòlskù. Chòc mëszlã, że to mòże taczé le szëkanié dzurë - pò prôwdzë to bëlny cządnik ë wôrt pòswiãc mù pôrã gòdzënów na czëtanié.

Fejn, że prawie dzãka taczim artiklom w różnëch dzélach swiata mòże ùczëc ò kaszëbiznie ë kaszëbsczich ùdbach.

Zladëjë numer: http://dragonia.pl/request.php?14

Dolmaczënk KDE 3.5 dotëgòwôł do sztërkù czej ju mòżnô bëło zgłosëc gò do òficjalnégò wëdôwkù. Jak mòże òbaczëc na starnie KDE (nalezë henë Kashubian), nót bëło przerëchtowac 2 lopczi w 100%, to je desktop_kdelibs.po ë desktop_l10n.po, jeden lopk w 90%, kdelibs.po ë 75% wiadłów z lopków z katalogù kdebase. Terô mdzemë mielë dbã, żebë do kùńca żëcégò KDE 3.5 wëdôwk kaszëbsczégò dolmaczënkù béł wiedno aktualizowóny. Wiedno nônowszé lopczi nelezëta w Kubuntu, czim téż sã òpiekùjema. Òd terô równak wikszi cësk mdzemë dôwôlë na robòtë nad wiadłama w nowim KDE, czëlë wersëji 4.0, chtërnô jesz w tim rokù mô bëc przistãpnô do zainstalowaniô (ju mòże testowac niechtërné aplikacëje).

Jesz nie jesmë fardich z dolmaczënkã KDE 3.5 a ju nacząc je nót robòtë nad nowim wëdôwkã, jaczim je KDE 4.0.

Na dzysô (14.03) nót jesz nama cos kòle 1500 wiadłów do zrobieniô, żebë miec ju za sobą wëdanié stôrszégò KDE, chòc nót je jesz zdolmaczëc wicy jakno 3000 wiadłów, bë miec ju wszëtkò fardich. KDE 3.5 mô dłëdżé wspiarcë (tak dłëdżé jakno mdze brëkòwóné bez distribùcëje), téj jesz w nowëch wersëjach Ubuntu, OpenSuse czë Fedorë na gwës òno bãdze. Slédné 4.0, bãdze narô dodôwkã w nëch Linuksach, blós do testowaniô.

Pò aktualizacëji dolmaczënkù do wersëji 4.0 momë na dzysô na kòl 6600 wiadłów, 850 nowëch do dolmaczënkù a 1900 trëchlenych (taczéch dlô chtërech je dolmaczënk, leno mùszi bëc jesz sprawdzony), zôstnëch 3850 je ju parôt.

W Ubuntu jesmë przeszli na 7.04, co òznôczô, że to wicy nie dô aktualizacëjów dolmaczënkù dlô slédny wersëji 6.10.

Móm ë ju wama pisóné ò tim jak ùstôwic kaszëbską ë pòlską klawiaturã w KDE, në to terô przëszedł ju czas na to, bë Wama pòkôzac ja letkò mòże to zrobic w GNOME. Òstónã tuwò, jak ju rëchli, przë Debianie 4.0 (w Ubuntu je to ju mòżlëwé w wersëji 7.04). Proszã równak nie zabiwac ò tim, że kaszëbskô klawiatura nie je jesz bënë wszëtczich distribùcëjów, chòc tëch je ju corôz wicy.

Pòmòc ò ùstôwie klawiaturë w GNOME mómë wama ùprzistãpnioną w dzélu Kaszëbsczi Linuks, w artiklu:

• Kaszëbskô klawiatura w GNOME

Corôz wicy nowich distribùcëjów zamëkô ju w se z dodomù kaszëbską klawiaturã (OpenSUSE 10.2, KNOPPIX 5.11…). Në to ë przëszed ju chòba czas na to bë wama pòmóc w ji dodaniô do pòlsczégò ùstôwù. Bënë ju òna je, le trza jã aktiwòwac, a że òbrôz gôdô wicy jakno słowa, to ë na pòmòc òsta òpiartô w 90% na òbrôzkach.

Articzel na przëmiôrze Linuksa Debian 4.0 (etch) z graficznëm òkrãżém KDE (przëmiôr z GNOME przińdze za sztót) mómë wama ùprzistãpniony w dzélu Kaszëbsczi Linuks, w artiklu:

• Kaszëbskô klawiatura w KDE 3.5.x

A kùńcowi efekt ùstôwù mòżeta òbôczëc niżi na òbrôzkù

Kòł kùńca séwnika Michôł dodôł pierszé kaszëbsczé lopczi do KDE. Robòtë je przë tim tëli, że chòba ze dwa lata nama na to zeńdą, mëszlã równak, że je wôrt to pòcygnąc do kùńca.

Narô wëzdrzi to tak, że dodôwómë ju lopczi bez aùditów, bò jak na dwòje co dolmaczą, to nie jesma zwëczajno w sztãdze z tą robòtą póńc do przódkù. Czas na pòprôwczi nót bãdze pózdni nalezc.

Wãzłowato wëdowiédzô ò dolmaczënkù na starnach KDE je tuwò: http://l10n.kde.org/team-infos.php?teamcode=csb

Naju starna: kde.linuxcsb.org

Jak narô nie je mòżno dolmaczëc niechternëch dzélów desktopù Gnome - nie je òn téż tim nôcząstczi brëkòwónym w Eùropie (nie òznôczô to, że je to lëché rozwiązanié)|. Przez to mëszlã, bë narô skòncentrowac naju robòtã blós na dzélach z KDE jaczi są bënë kubuntu: Ubuntu- kdebase

To jedno, a drëdżi to je to, że jak narô to je naju za mało, bë sensowno skùńczëc spòdlowé dolmaczënczi Gnome ë KDE.

Mark

Kaszëbskô klawiatura (kluczplata) ju je (pò zgłoszeniô ji przez naji karno òb lato 2006 rokù do freedesktop.org) w wiôldżim dzélu bënë wielu nowich distribùcëjów, co parłãczi sã z tim, że ni je nót ji do nich ekstra dowôwac. Tak je m.jin. z taczima distribùcëjama jakno:

• Debian GNU/Linux - òd 4.0 (etch)
• Fedora Core - òd wersëji 8
  
• Knoppix - òd wersëji 5.1
• OpenSUSE òd wersëji 10.2
• Sidux
• Całô familëjô Ubuntu (Edubuntu, Kubuntu, Ubuntu, Xubuntu) òd wersëji 7.04

Stądka, jeżlë jesz ni môta dlô se wëbrónegò Linuksa to je ju pò prôwdze w czim wëbierac, bë nalezc dlô se pasowną distribùcëjã ë do tegò jesz z kaszëbską klawiaturą.

(wicy…)